La Viceconseyería de Cultura, Política Llingüística y Deporte llanza dos llinies d’ayudes para sofitar proyectos audiovisuales y l’aceleración d’empreses culturales. Estes dos subvenciones cuenten con una inversión conxunta cercana a los 800.000 euros.
La convocatoria d’ayudes pa proyectos cinematográficos y audiovisuales que se faigan n’Asturies ente payares de 2023 y setiembre de 2025 ta dotada con 345.296 euros, un 245% más que’l pasáu exerciciu. Esta llinia, qu’incorpora la tresferencia del Institutu del Cine y Actividaes Audiovisuales del Ministeriu de Cultura, subvenciona tanto guiones como producciones, y l’asistencia a feries y festivales. Cada proyectu va poder llograr, cómo máximu, 30.000 euros.
La llinia d’aceleración d’empreses dispón de financiamientu européu al traviés de los fondos Next Generation y tenta de facilitar l’alquisición d’habilidaes entamadores y financieres que favorezan la medra del texíu empresarial del sector cultural y creativu asturianu al traviés d’acciones d’investigación, formación, producción, exhibición, distribución o comercialización, ente otres. En concretu, van sofitase gastos xustificaos ente’l 1 de xineru de 2022 y el 30 de setiembre de 2026, con un máximu de cien mil euros por empresa. El presupuestu global xube a 430.190 euros.
El plazu de presentación de solicitúes para dambes llinies entama’l 2 de xineru y remata’l 29 de xineru de 2024.
Pa más información y procesu d’inscripción, calcar equí.
